Mzee wa miaka 76 aliyefungiwa nje ya boma la Mzee Moi aruhusiwa kuingia

- Nathan Ambuti aliruhusiwa kuingia bomani kwa Mzee Moi baada ya kilio chake kusikika mitandaoni

- Mzee huyo wa miaka 78 alikuwa amesafiri kutumia baiskeli yake kutoka Kakamega kuhudhuria mazishi ya Rais Daniel arap Moi

- Hata hivyo alifukuzwa na maafisa wa usalama waliokuwa wameshika doria bomani mwa Moi, Kabarak

- Mzee huyo alisafiri kwa siku nne akitumia baiskeli yake hadi Kabarak

Hatimaye mzee wa miaka 76 Nathan Ambuti ameruhusiwa kuingia nyumbani mwake rais mstaafu Daniel arap Moi.

Ambuti aligonga vichwa vya habari Jumatano, Februari 11 baada ya kufungiwa nje ya makazi ya Mzee Moi ya Kabarak.

Habari Nyingine: Moi alithamini sana masomo na Kiswahili alikipa kipaumbele

Mzee huyo alisema kuwa maafisa wa polisi waliokuwa wamekaza nyuso walimtimua na kumuagiza arejee Jumatano siku ya mazishi.

Ambuti alikuwa amesafiri kwa kilomita 223 kutoka Kakamega kwa minajili ya kuhudhurua mazishi ya marehemu Moi.

Kulingana na mzee huyo, ilimchukua siku nne kufika katika boma hilo Kabarak.

Habari Nyingine: Fahamu jinsi mazishi ya Mzee Moi yatakuwa tofauti na ya makabila mengine ya Kalenjin

"Singetaka kukosa kuhudhuria mazishi ya mzee ambaye alieneza amani siuo tu Kenya bali pia katika mataifa mengine ya Afrika," alisema.

Ambuti alifichua kuwa aliondoka nyumbani akitumia baiskeli yake na kila jua lilipotua akiwa njiani alilala nje ya maduka kwa kuwa hela alizokuwa nazo zilikuwa chache mno.

Ambuti ambaye anatokea maeneo ya Butere, alisema kwamba yeye ni balozi wa kueneza amani nchini Kenya na alitarajia kuwa miongoni mwa maelfu ya waombolezaji watakaokusanyika nyumbani kwa Moi.

Habari Nyingine: Polisi wamzima jamaa aliyejaribu kutatiza hotuba ya Gideon Moi

Rais mstaafu ambaye alikuwa na umri wa miaka 95 alifariki Jumanne wiki jana akipokea matibabu Nairobi Hospital.

Usalama umeimarishwa katika boma lake Moi wakati mazishi yake yanatarajiwa kufanyika kwenye hafla ya taathima kuu na heshima ya kijeshi.

Read ENGLISH VERSION

Je, unayo taarifa ya kusisimua ambayo ungependa tuichapishe? Tafadhali, wasiliana nasi kupitia news@tuko.co.ke au WhatsaApp: 0732482690.

Chanzo: TUKO.co.ke

ncG1vNJzZmijmajEorTIpaBnrKWgvG%2BvzmeinmdjaIZ6f5BmpLOdlWLEonnMopikmV1sg26ty6Kwnp6lo7Sqw8BmpaOdXa6ubq7OpphmpJFiuruxxGakqKFdlriivsiboKygp5Z7qcDMpQ%3D%3D